價錢：Agoda$379（連稅）/1晚
房型：卓智客房(免費升級至Nathan Grand Room)
地址：彌敦道378號
最早入住時間：15:00
一般退房時間：12:00
疫情一直延續至今，雖然再無群組爆發，但昨日又再有兩宗輸入個案同一宗本地確診，暫時未知感染來源。☹️
想輕輕鬆鬆去個旅行，只怕已是遙遙無期。
Any肥，大家去staycation記得要做足安全措施and Stay safe。
彌敦酒店係繼城景國際酒店之後，我地既新寵兒！喺短短四個月裡面已經去咗十次🤩
今次會特別分為上、下兩集去介紹哩間CP值超高既酒店，今集會分享下第一次去彌敦酒店既體驗！👍🏻
登記：
第一次入住彌敦酒店已獲得免費升級，由原本預訂既卓智客房升級至Grand Room。
初時入到酒店大堂，真係覺得好似有d伏伏地⋯⋯
雖然資料顯示彌敦酒店係2018年進行過裝修，但似乎只係翻新咗房間，大堂既設計仍然望落有點歷史、十分古老。（黃燈、啡木，經典老牌酒店配搭）
📍入住需其中一方出示身分證、填寫健康申報表後即可入住。
📍無需繳付按金
👍🏻各個職員都十分親切友善，而且大多數入住都會主動幫我地upgrade☺️ （十次有八次都可以免費升級，真係認真數過，絕無誇大！）
❌無職員監住每個客人量體溫，全憑自律
房間：係Agoda訂房時就對哩間酒店無抱有過任何期待，由其當我地入到大堂check-in見到大堂既格局⋯⋯我心入面只祈求間房乾乾淨淨就ok，唔敢奢望太多。
可能都係因為心入面已作出最壞打算，上到房先有咁大驚喜！💓（同大堂完全係兩個世界）無論清潔度，抑或房間設計、配色都令人十分滿意！
✅床頭兩側都有usb充電位
✅房間已配備轉插頭
✅餐桌可以移動，方便在床上一邊觀看電視、一邊吃殘廢餐👧🏻
❌頭幾次去有提供兩枝樽裝水，現在需自行購買
浴室：
✅已配備牙具、浴帽、梳、洗髮水、沐浴露、護髮素、乳液、即棄拖鞋
✅酒店好貼心，有準備到護髮素同埋乳液搽身，哩一點覺得非常好！
✅即棄拖鞋絕對一啲都唔「hea」，相比起其他酒店，鞋底多咁層墊所以更厚身，真係似返對拖鞋👍🏻👍🏻而唔係得一張「紙」😂
雖然第一次入住無比到浴缸房，但整體而言十分滿意！
📍當初酒店只提供一枝牙膏，都係要「就住」黎吱。但打後已改為提供兩枝牙膏，方便好多👍🏻
（5星為最高分，空白=不予置評）
乾淨度：⭐️⭐️⭐️⭐️
幾時都話門面、配色真係好重要！房間以黑灰白為主調，時尚簡約既設計風格令人眼前一亮。房間比我既第一印象已覺得十分舒適（由其係灰色地墊），房間亦比預期中大一倍有多。
除左印象分以外，其實房間同浴室都好乾淨，無發現污垢、異味或者鋪塵既狀況，所有物品都擺放得相當整齊。
❌但有一點要注意，走廊經常都充斥著一陣煙味，甚至係一個食煙既人都覺得臭得誇張！如果唔食煙⋯⋯應該會直接崩潰。
✅網上曾經有住客提出過同樣問題，職員有馬上作出跟進並替客人升級到其他樓層，處理效率值得一讚！
同時都明白好難完全杜絕到，但建議走廊最好可以長期噴下空氣清新劑。
交通度：⭐️⭐️⭐️⭐️⭐️
🍲佐敦地鐵站一出直行5分鐘左右就到達酒店，方便之餘仲好近廟街一帶，地理位置優越。
💆🏻♀️附近有幾間正骨場，可以按摩又可以採耳，平民價錢、高質享受！
📍酒店樓下已有7-11便利店，以及Starbucks。行前小小會見到稻香（任食火鍋），仲有長期爆場既壽司郎！🤤
性價比：⭐️⭐️⭐️⭐️⭐️
位置、服務、房型，一切都無可挑剔！
仲有連埋稅四百蚊都唔洗，性價比極高🤩
整體：⭐️⭐️⭐️⭐️⭐️
目前為止已至少encore十次，數字已反映出一切🥇
下一集會講最近生日入住既體驗，分享浴缸房型既資料。💓
Comments