我24歲女，同男朋友拍咗拖一年，同佢生活上幾夾，但sex方面就完全相反，因為哩樣野嘈過幾次大交。
一齊頭嗰兩個月keep住個個禮拜搞，半年後次數就慢慢減少，試過個幾月先搞一次….
佢成日呻次數太密，話我乜都plan哂好刻意，我咁大食係唔正常。
仲話大家過咗熱戀期，一個月有1、2兩次已經叫做合理，要幾個月一次都冇問題。😅
Ok fine, 咁係我大食，當係我問題。
一個月一次我可以接受，強迫佢都冇意思，因為我唔係為sex先同佢一齊。
直到發生哩件事，今次真係踩到我既底線。
事緣朋友A知道我狀況後，覺得係sex方面太死板所以先搞到大家無咗激情，之後佢就送咗個有條線嘅震蛋比我。
我男朋友知道咗之後好嬲，話我需求大到咁真係好有問題要我去睇下醫生，又鬧我將啲私事周圍同人講，話咁樣同踩佢無分別。
咁我有解釋話朋友A都係出於好心姐，佢自己又有玩開先送個比我啫。
之後佢一句撻埋黎：「佢蕩你又跟住佢蕩，人哋去死你係咪又跟住去死呀！」
我聽完真係嬲到癲咗，唔鍾意咪唔好玩囉，洗唔洗講d咁難聽嘅說話？
仲講到係我專登搵野嘈，我真係唔知點同佢繼續落去，好辛苦。
💌
Miss Erguotou
喜好人人各有不同，唔玩震蛋無錯、表達自己不滿亦無錯，但錯就錯在佢表達嘅方式實在令人難以接受。
愛情係需要雙方磨合，搵出大家舒適嘅一套相處方式，而非單方面不斷作出忍讓、再三降低自己底線去迎合他人。
要知道對方係唔係自己嘅Mr Right，除咗睇日常生活、雙方契合度以外，其實留意佢心情唔好、或者遇到衝突時點去處理，呢啲細節位會令你睇得更加透徹。
就男友覺得你詆毁佢呢點去講，姑勿論對錯，但若然每次你做咗啲令佢唔順心嘅事，對方就咁口不擇言⋯⋯
咁我認為平時有幾夾都無用，即使再多甜言蜜語，都彌補唔到一句說話帶來嘅傷害。
連基本尊重都無，還談何愛？
至於值唔值得繼續落去，其實你心中早有答案吧。
—————————
📫歡迎投稿：www.miss-erguotou.com (IG主頁可直接click入網站)
性愛疑難、感情問題？逐一為你解答💁🏻♀️
調教分享？性癖好？
What is your deepest, darkest fantasy or secret you have never told anyone?
SHOW ME THEN.
コメント