我同男朋友就黎拍咗拖兩年，我28佢25細我三年，其實我身邊啲朋友一直都唔睇好我哋哩段關係，認為姊弟戀唔會有結果、女仔應該要搵一個照顧自己既男人，而唔係一個調轉要我照顧返佢既大細路。
啱啱一齊嗰時，我覺得有個依賴自己嘅另一半都幾有安全感，但行耐咗發現佢思想真係好唔成熟，對自己將來一啲打算都無，終日無所事事、得過且過。淨係識學人講咩夢想，但25歲人仲返緊份搵得一萬蚊既part time⋯同佢講咗好多次，夢想都係靠錢去堆砌出黎，人哋嘅夢想係做實事，佢嘅夢想就只有空想。
講真你係有實力⋯一早得咗啦。
想同佢講分手但唔知點開口，講咗又怕自己會後悔，但我已經就黎30，唔想再浪費自己嘅青春同時間⋯⋯
💌
Miss Erguotou
男友嘅性格或者為人，由你第一日同佢一齊已經好清楚，問題未必出自對方身上，可能係你自身嘅擇偶標準有所改變。
若對方經濟能力都成為其中一大考量，建議長痛不如短痛，決斷分開對大家將來發展會有更大幫助。
其實一個有工作、又有夢想嘅25歲後生仔，點解會被稱作無所事事？從文中所見，你只樂於分享對方成果，卻不屑陪伴對方奮鬥。
如果對方真如你上述咁不濟，照道理嚟講應該唔會後悔，反而覺得係解脫先啱。
抑或你會擔心萬一佢之後真係成功咗，你無法喺隔離坐享其成、分一杯羹？
至於你問「想同佢講分手但唔知點開口」⋯
好簡單，你將篇文send返比佢睇就可以。
—————————
📫歡迎投稿：www.miss-erguotou.com (IG主頁可直接click入網站)
性愛疑難、感情問題？逐一為你解答💁🏻♀️
調教分享？性癖好？
What is your deepest, darkest fantasy or secret you have never told anyone?
SHOW ME THEN.
Comentários