話說啱先諗住搵個援交玩下，點知遇著騙徒，威迫之下損失咗5萬，真係好嬲自己。。🥲🥲🥲
有時真係緊火起上嚟好易出事，成件事真係好on9，一開始喺IG同個女仔傾，傾傾下知佢有接開援交job，之後就問佢價岩就約出黎，因為傾緊嘅時候佢有錄音比我，所以我都不虞有詐諗住即出，交換電話之後就約咗出黎。
到咗約定地點之後，隔一陣有個陌生號碼打俾我，電話入面個男人叫我影張身分證俾佢睇，因為怕我係啲人黎放蛇。嗰下精蟲上腦諗都冇諗就影咗俾佢，點知佢收到相之後就即刻變臉，威脅我要我俾5萬蚊佢，如果唔係就會搞我屋企人，將我搵援交妹呢單野send俾認識我嘅人。
開頭個男人見我唔係好願俾錢，馬上自稱係黑幫人員，聲稱附近有人隨時會出嚟做野，有哂我身份證資料隨時刮晒我啲嘢出黎，然後又係chatroom係咁send啲有條友俾人斬手斬腳嘅片我睇。。。
我嗰刻冇諗到咁多，唔敢再反抗，真係好驚會搞到我屋企人，所以就跟佢指示做，分別去咗幾間7-11湊夠5萬蚊點數咭，然後影低上面嘅code俾佢。
後尾番到屋企冷靜落黎block曬啲嘢，搵咗個朋友陪我去報警，但啲差佬都話幫唔到乜，叫我自己消案算。佢哋話呢啲case好難拉到人，亦都好難追蹤，就算cap晒圖留底都冇用，佢話犯罪集團應該就唔會喺香港境內咁做，睇怕都係海外，同埋金額唔大。
講完算喇，我已經醒曬，下次遇到事都會好好諗清楚，唔想再跌落呢啲陷阱。
—————————
📫歡迎投稿：www.miss-erguotou.com (IG主頁可直接click入網站)
性愛疑難、感情問題？逐一為你解答💁🏻♀️
調教分享？性癖好？
What is your deepest, darkest fantasy or secret you have never told anyone?
SHOW ME THEN.
Commenti