價錢：Agoda$999（連稅）/1晚
房型：高級房（獲免費升級至豪華客房）
地址：旺角上海街555號
最早入住時間：15:00
一般退房時間：12:00
登記：
-需雙方出示身分證、填寫健康申報表後，再繳交$500按金便可入住。
當日我哋係喺薈賢居check out過黎，所以大概1點鐘左右已經去到康得思酒店。
呢個時段大堂有好多人辦理緊退房，但距離check in時間仲有兩個鐘，所以我哋打算放低行李之後再去附近行街。
點知登記緊嘅時候，職員話依家有空房可以比咗我哋先，仲免費upgrade到豪華客房！🥳
✅如需使用泳池可於check in時向職員預訂
✅服務態度一流，對客人細心且觀察入微👍🏻
房間：
入到房第一下印象已經好好，佈置以純白為主、配上灰色毛絨地氈，雖然房間面積不算大，但勝在比人感覺柔和清新、格調優雅。
基本上日頭就算唔開燈都光線充足，坐喺窗邊梳化寫文特別有靈感！☺️
床軟得嚟又唔會瞓到腰酸背痛，同埋都算幾有彈性，至少唔會瞓到成個身「陷」入去～
書枱隔離有酒水吧，除咗零食、紅酒之外，雪櫃入邊有烏龍茶、汽水、啤酒等等任君選擇，咁當然⋯⋯係要收費架啦～🤣
Menu上有價目表例明收費，但如果你係預訂Klook staycation plan就有機會係飲品首輪免費。
（通常不包括酒精飲品，預訂前要睇清楚）
🔌可用插頭或USB充電
✅設有酒水吧、雪櫃
✅提供兩支樽裝水 ✅床頭有總掣可以一次過熄哂所有房燈，夜晚唔洗逐盞燈熄好方便👍🏻
浴室：
-已配備牙具、沐浴露、洗頭水、護髮素、剃鬚用品、梳、拖鞋(厚身舒服）
浴室牆身、壆位都以雲石為主，洗手盆採用透明玻璃設計十分精緻。而且洗手盆下方有個喇叭連接住部電視機，即使浸浴、甚至去緊bubu都可以繼續睇電視⋯🙊
酒店所有沐浴用品都係即棄式，感覺乾淨好多！有時去到啲酒店見到沐浴露個嘴口位仲有殘留物係度吊下吊下咁，見到即刻扣哂分！😥
（5星為最高分，空白=不予置評）
乾淨度：⭐️⭐️⭐️⭐️⭐️
四個字— 「無可挑剔」。
有簡單檢查過廁所板、衣櫃、床頭櫃⋯等等，都無發現任何問題，所有設施都好新淨！
而且房間配色已經令我先入為主咗，覺得間房好乾淨🤣 事實亦如此～
交通度：⭐️⭐️⭐⭐⭐️
酒店位於旺角核心地帶、交通便利，朗豪坊內有天橋可直接通往酒店大堂。不過說來慚愧，我竟然咁多年以來都無發現呢個位有條天橋⋯⋯🤯
對正旺角地鐵站C出口，附近就係MPM文華商場，近近地可以去Red MR唱返個K先！💃🏻
性價比：⭐️⭐️⭐⭐
因為紅日關係，房價比起往常貴咗$200-$300左右，但以五星級級數來講價錢相當合理。
如果係平日預訂普通房大約$750左右，其實Klook plan會抵玩好多，一千鬆啲就已經包咗氣泡酒/下午茶、$2000左右就可以食埋自助餐！
整體：⭐️⭐️⭐⭐⭐️
位置夠哂開揚、服務好質素佳，又一次完美住宿體驗！🙆🏻♀️
下次會book staycation plan，想試吓Codis嘅自助餐～（聽聞質素不錯）🤩
Comments